Leiktíminn

Innskráning

Skráðu inn netfang og lykilorð til að skrá þig inn.

Leiktíminn

Leiktíminn

Leikir framundan

LEIKTÍMINN

Um Leiktímann

Leiktíminn er einföld lausn fyrir knattspyrnudómara sem vilja halda utan um leikina sína á einum stað ásamt frammistöðugögnum.

Leiktíminn virkar eins og er aðeins með Garmin snjallúrum.

Hægt er að skrá og stofna næstu leiki sem eru framundan, senda þá í Garmin úrin, halda utan um leikjasögu og skoða ýmsan fróðleik og tölfræði úr vistuðum leikjum. Með tímanum verður þannig til persónulegt yfirlit þar sem hægt er að bera saman leiki, tímabil, keppnir og dómarahlutverk.

Þegar leikgögn eru tiltæk getur Leiktíminn meðal annars sýnt upplýsingar um hlaupatölur, hjartslátt, leiktíma og önnur GPS-gögn úr leikjum.

Einnig er hægt að senda skráða leiki sem eru framundan í dagatal notandans.

Í framtíðinni er stefnt að því að styðja við fleiri tegundir úra.

LEIKTÍMINN

Persónuverndarstefna

Persónuvernd notenda skiptir máli hjá Leiktímanum. Aðeins er safnað þeim upplýsingum sem nauðsynlegar eru til að veita og þróa þjónustuna.

Hvaða upplýsingar eru vistaðar?

Þegar þú stofnar aðgang geta verið vistaðar upplýsingar sem þú skráir sjálfur, svo sem nafn, netfang, leikir og aðrar upplýsingar sem tengjast notkun þinni á Leiktímanum.

Ef Garmin úr er tengt við Leiktímann geta einnig verið vistuð gögn úr leikjum, svo sem:

  • GPS-staðsetningar úr leik
  • Vegalengd og hreyfigögn
  • Hjartsláttur
  • Leiktími
  • Upplýsingar um leik og dómarahlutverk

Til hvers eru gögnin notuð?

Gögnin eru notuð til að birta þér þína eigin leikjasögu, tölfræði og yfirlit innan Leiktímans og til að tryggja virkni þjónustunnar.

Persónuleg leikja- og hreyfigögn eru ekki birt öðrum notendum nema þú veljir sérstaklega að nota eiginleika þar sem upplýsingum er deilt.

Geymsla og þjónustuaðilar

Leiktíminn notar utanaðkomandi þjónustur til að reka kerfið, meðal annars fyrir innskráningu, gagnageymslu og tæknilega virkni. Slík þjónusta fær aðeins aðgang að upplýsingum eftir því sem nauðsynlegt er til að veita þjónustuna.

Þín gögn

Þú getur óskað eftir upplýsingum um þau gögn sem vistuð eru um þig og óskað eftir leiðréttingu eða eyðingu þeirra.

Persónuverndarstefnan getur verið uppfærð eftir því sem Leiktíminn þróast eða nýir eiginleikar bætast við.

Um Dómarar

Dómarar er verkefni gert til gamans fyrir knattspyrnudómara og aðra sem hafa áhuga á dómgæslu.

Hugmyndin er fyrst og fremst að gera það einfalt og fljótlegt að skoða leiki dagsins, með algjörum fókus á að sjá hvaða dómarateymi er á hverjum leik.

Einnig er hægt að skoða næstu leiki, fyrri leiki og kalla fram atvik úr leikskýrslum, ásamt stöðu liða í deildum til að setja komandi leiki í betra samhengi.

Á síðunni eru aðgengileg gögn frá tímabilunum 2024, 2025 og 2026.

Dómarar er sjálfstætt verkefni og höfundur setur fram fyrirvara um áreiðanleika gagnanna. Enda er hann sjálfur tækniheftur með öllu.

Upplýsingar um leiki og dómgæslu byggja á gögnum sem birt eru af KSÍ.